Праект “Традыцыйныя танцы ў Траецкім”

Адразу па Вялікадні ў беларусаў здаўна было прынята яшчэ дні тры святкаваць ды хадзіць па хатах з валачобнымі спевамі. Працягнуць адзначэнне Вялікадня запрашаем у Літаратурным музеі вечарынай традыцыйных танцаў.

Беларускія традыцыйныя танцы адносяцца да так званых сацыяльных танцаў, якія гуртуюць, з’яўляюцца своеасаблівым спосабам камунікацыі, даюць магчымасць пазнаёміцца і знайсці аднадумцаў. 

Атмасферу сапраўднай беларускай вечарыны створаць музыкі-аматары. Яны зайграюць Лявоніху, Кракавяк, Грачанікі, Вераб’я, Каханачку ды іншыя танцы. Сярод традыцыйных музычных інструментаў будуць гучаць скрыпка, цымбалы, басэтля, дуда, гармонік, акардэон, бубен, барабан. І куды ж без заліхвацкіх прыпевак, якія зададуць адмысловы настрой красавіцкаму вечару! На вечарыне будуць вопытныя танцоры, якія стануць выдатным арыенцірам на танцпляцы для тых, хто захоча пазнаёміцца з асноўнымі рухамі таго ці іншага танца.

Запрашаем усіх, хто ўмее танчыць, толькі вучыцца альбо хоча навучыцца!

Калі: 21 красавіка, 19:00 – 22:00.

Квіткі: 10р.

Даведкі: +375 17 363 56 21.

Адрас: г.Мінск, вул. М. Багдановіча, 13.