Дзяржаўны музей гісторыі беларускай літаратуры

Адкрый для сябе скарбы нацыянальнай літаратуры

BelarusianEnglishGermanRussian

Дзяржаўны музей гісторыі беларускай літаратуры

Дзяржаўны музей гісторыі беларускай літаратуры

BelarusianEnglishGermanRussian

Тэст “Смех у беларускай літаратуры”

Ці добра Вы ведаеце, што такое сатыра?

І гэта лёгка можна праверыць. Адкажыце на пытанні тэста “Смех у беларускай літаратуры”, націскаючы на адказ, які лічыце правільным.

❗1 правільны адказ – 1 бал.

Поспехаў!!!

Гульня “Здымкі са старой скрыні”

Усе мы любім разглядаць старыя фотаздымкі. 📷 Не спяшайцеся выкідваць тыя, якія падаюцца вам няўдалымі, бо праз некалькі гадоў будзе так цікава бачыць, як вы змяніліся за гэты час – часам непазнавальна! ☺ А ці зможаце вы пазнаць аднаго і таго ж чалавека на фотаздымках у маладым узросце і сталым? Прапануем вам паспрабаваць свае сілы на героях нашай часовай літаратурна-дакументальнай экспазіцыі “Чалавек нараджаецца, каб жыць”.

Перад вамі 10 пераблытаных здымкаў. Каб перагарнуць і паглядзець, хто на іх выяўлены, націсніце на фота. Вам трэба падабраць пары фотаздымкаў, на якіх адзін і той жа пісьменнік. ❗Усяго 5 пар. Выкарыстоўвайце сваю памяць, бо наша гульня каварная: калі вы памыліліся і падабралі не тую пару, фотаздымкі зноў згортваюцца.

Калі вы гатовыя, смела пераходзьце па спасылцы 👇🏻 і пагружайцеся ў свет старых фота. А калі не ўпэўнены, што ў вас атрымаецца, і хочаце даведацца больш пра пісьменнікаў-юбіляраў, прыходзьце на нашу выставу “Чалавек нараджаецца, каб жыць”. 😉

Тэст “Загадкі з хаткі”

Ці добра Вы ведаеце дзіцячыя загадкі? ☺

І гэта лёгка можна праверыць. Адкажыце на пытанні нашага тэста “Загадкі з хаткі”, націскаючы на адказ, які лічыце правільным. Па яго выніках ацаніце свае веды па дзесяцібальнай шкале. 1 правільны адказ – 1 бал.🤓

❗На працягу тэста вас будуць суправаждаць прыгожыя малюначкі хаткі, але яны не з’яўляюцца падказкамі.

Поспехаў! 😉

Інтэрактыўная карта па рамане “Каласы пад сярпом тваім”

Часам так здараецца, што нашы падарожжы па нейкіх прычынах адмяняюцца: межы закрытыя, рэйсы адмененыя, ці яшчэ якая неспадзяванка. У гэты час мы можам падарожнічаць па старонках любімых кніг разам з іх героямі і пашыраць для сябе свет у прасторы і часе.🤓📚

Для гэтага мы прапануем Вам інтэрактыўную карту мясцінаў, якія згадваюцца ў культавым творы Уладзіміра Караткевіча “Каласы пад сярпом тваім”. З ёй Вы зможаце наведаць славутыя гарады Еўропы XIX стагоддзя, пабачыць знакамітасцей і, нават, паслухаць музыку.

Вось Вам маршрут: “Ідзеш той жа дарогай, што і людзі праўды, любіш няшчасны свой край, служыш яму, а астатняе – справа дзесятая”.👣

Гульня “Творцы і творы”

2020 год багаты на юбілеі выдатных беларускіх пісьменнікаў!💥
Дзяржаўны музей гісторыі беларускай літаратуры захоўвае ў сваіх фондах цікавыя матэрыялы, звязаныя з жыццём і творчасцю гэтых пісьменнікаў.

Хто яны?
Пра гэта наша гульня “Творцы і творы”!
Што трэба рабіць? Суаднесці ўсе карткі і знайсці творцаў і іх творы.

Поспехаў і пачынаем! 📖

Тэст “Адгадайце твор па цытаце”

Давайце ўзгадаем культавыя творы беларускай літаратуры другой паловы ХХ стагоддзя! 😃

“Менавіта на прасторы грамадска-культурных выданняў і кніг беларусы сфарміраваліся як нацыя. І сёння мы застаемся нацыяй дзякуючы таму, што існуе беларускі тэкст” – адзначыў некалі Валянцін Акудовіч.
Запрашаем у вандроўку разам з беларускім тэкстам. Вы зможаце трапіць у старажытны Полацк, прайсці шляхамі Другой Сусветнай вайны, убачыць беларускае Палессе вачыма летапісца гэтага краю.

Гульня-пазл “Наш музейны свет”

Вы ведаеце, што ў музеі працуюць сапраўдныя даследчыкі?🤓 Яны шукаюць унікальныя і каштоўныя прадметы, беражліва захоўваюць іх, а часам, нават складваюць па кавалках, як аскепкі старажытных сасудаў, знойдзеных падчас раскопак. У літаратурных музеях мы рэстаўруем даўнія кнігі, фотаздымкі, лісты пісьменнікаў.

Паспрабуйце і Вы сябе ў ролі рэстаўратараў і складзіце па кавалках “Наш музейны свет” – пазлы будынкаў Дзяржаўнага музея гісторыі беларускай літаратуры і яго філіялаў.😉

Тэст “Пад чыім сярпом каласы твае?” 

Паспрабуйце прыгадаць сюжэт культавага твора Уладзіміра Караткевіча і не заблытацца.🤪

Адкажыце на пытанні нашага тэста “Пад чыім сярпом каласы твае?”.

Для гэтага:

✅адключыце гугл,
✅бярыце цудоўны настрой і націскайце на адказы, якія падаюцца вам правільнымі.

Адказаўшы на ўсе 10 пытанняў, Вы даведаецеся, ці ганарыліся б Вамі вашыя настаўнікі беларускай літаратуры.😁