Вясна сёлета ўжо гучна і яскрава заявіла пра сябе птушынымі галасамі і сонечным ззяннем! Але каб яна засталася з намі, і ніякія кпіны зімы не перамаглі, варта прывітаць яе такімі ж сонечнымі, гучнымі і вясёлымі спевамі. Літаратурны музей працягвае праект “Кола года”  і запрашае 29 сакавіка на імпрэзу “Вясна красна”.

Вас чакае фальклорная спеўная праграма, дзе можна будзе паслухаць радасныя і ўрачыстыя песні-вяснянкі з розных рэгіёнаў Беларусі, якімі заклікалі і віталі вясну, а разам з ёй і новы прыродны цыкл, новы год! А напрыканцы ўсе разам паводзім веснавыя карагоды.

Рыхтуйце сапраўдны вясновы настрой і прыходзьце ў Літаратурны!

Пачатак: 17:00.

Кошт: 15 рублёў.

Перадпродаж квіткоў у касе музея з аўторка па нядзелю з 10:00 да 18:30.

Узроставая катэгорыя: 6+

Усіх сардэчна запрашаем!

Тэлефон для даведак: +375 17 363 56 21.

Адрас: вул. М. Багдановіча, 13.