Кажуць, што гісторыі жывуць у кнігах. Але ёсць адна, якая выходзіць за межы старонак – гісторыя чалавека, што навучыў Беларусь бачыць сябе праз казкі і легенды. Гэта гісторыя Уладзіміра Караткевіча.

“Людзі, жыццё якіх віравала, спалі ўсяго толькі 4-5 гадзін. Што ж, іхняе жыццё было цікавым, было поўнае барацьбы, подзвігаў, велізарнае працы. Я, на жаль, не магу сябе аднесці да такіх. Жыццё ў мяне самае звычайнае,” – сцвярджаў пісьменнік пра самога сябе.

19 лютага, напярэдадні Міжнароднага дня роднай мовы, запрашаем у музей на спектакль Народнага літаратурнага тэатра “Жывое слова”, прысвечаны Уладзіміру Сямёнавічу. Спектакль “Валодзя” – падарожжа ў яго свет: ад юнацкіх мараў да вялікіх кніг, якія сталі часткай гісторыі.

Пачатак: 19:00.

Кошт білетаў: 15 рублёў.

Узроставая катэгорыя: 12+.

Тэлефон для даведак: +375 17 363 56 21.

Адрас: г.Мінск, вул.М.Багдановіча, 13.

Усіх сардэчна запрашаем!