Літаратурны музей працягвае праект “Кола года”. Напярэдадні масленічнага тыдня, 15 лютага а 17-й гадзіне запрашаем на святочны канцэрт! Паводле старадаўняга звычаю будзем “праводзіць зіму з качаргамі, сустракаць вясну з пірагамі” – з песнямі, жартамі, гульнямі і добрым настроем.

Для гасцей падрыхтавана святочная канцэртная праграма. Вы пачуеце масленічныя абрадавыя песні з розных рэгіёнаў Беларусі і этнічнага памежжа: арэльныя, карагодныя і жартаўлівыя.

Дакранемся да народных традыцый, адчуем цеплыню жывой музыкі і спеваў і створым святочны настрой для сябе і сваіх блізкіх! Прыходзьце ў Літаратурны па сонца, усмешкі і веснавое натхненне!

Кошт: 12 рублёў.

Узроставая катэгорыя: 4+

Тэлефон для даведак: +375 17 363 56 21.

Адрас: г.Мінск, вул. М. Багдановіча, 13.

Усіх сардэчна запрашаем!