Беларуская літаратура прайшла амаль тысячагадовы шлях сваёй гісторыі і развіцця. Ад першых сімвалічных занатовак знакамі да самых разнастайных паэтычных і празаічных формаў. Кожны тэкст, кожны твор – гэта найперш слова: яго патаемны сэнс, думка, увасобленая ў вобразах.

27 чэрвеня ў 18:30 Дзяржаўны музей гісторыі беларускай літаратуры запрашае на праграму «Слова праз стагоддзі». Вас чакае сапраўднае падарожжа ў свет творчасці беларускіх асветнікаў, паэтаў, празаікаў і драматургаў ХІ-ХІХ стагоддзяў.

У праграме:

• 18:30 – урачыстае адкрыццё экспазіцыі «Беларуская літаратура ХІ – ХІХ стагоддзяў»
• 18:40 – тэматычная экскурсія.
• 19:15 – музычная праграма ў выкананні музыказнаўцы Святлены Немагай (фартэпіяна, канферанс), лаўрэата міжнародных конкурсаў, салісткі Белдзяржфілармоніі Галіны Сакольнік (меца-сапрана), лаўрэата міжнародных конкурсаў Аляксея Загорскага (скрыпка).

Прагучаць творы Міхала Казіміра Агінскага, Міхала Ельскага, Станіслава Манюшкі на словы Тамаша Зана, Антонія Адынца, Адама Міцкевіча, Уладзіслава Сыракомлі.

Сардэчна запрашаем!

Кошт білетаў: 10 рублёў.

Тэлефон для даведак: +375 17 363 56 21.

Адрас: вул. М. Багдановіча, 13.