Сябры! “Хадзем у музей!” Распачынаем акцыю напрадвесні!
У перыяд з 01.02.2021 па 31.05.2021 прапануем наведаць любы з музеяў-удзельнікаў нашай установы са зніжкай 50% ад уваходнай платы. Пры наведванні аднаго з літаратурных музеяў – удзельнікаў акцыі – у Мінску, яшчэ тры музеі – за паўкошту! Чакаем вас!
Умовы акцыі “Хадзем у музей!”:
Удзельнікі:
- Дзяржаўны музей гісторыі беларускай літаратуры,
- Літаратурны музей Максіма Багдановіча,
- Літаратурны музей Петруся Броўкі,
- Беларуская хатка.
Прыходзьце ў адзін з літаратурных музеяў-удзельнікаў, аплочвайце поўны кошт уваходнага білета і атрымайце купон на зніжку 50% на наведванне пастаяннай экспазіцыі любога з музеяў-удзельнікаў акцыі.
Увага! Тэрмін дзеяння купона абмежаваны – рэалізаваць яго можна толькі на працягу 30 дзён з даты ў касавым чэку. Зніжка дзейнічае на прадастаўленне аналагічнай паслугі пры прад’яўленні купона, атрыманага разам з касавым чэкам у любым з музеяў-ўдзельнікаў акцыі. Дзеянне купона распаўсюджваецца толькі на аднаго чалавека. Без касавага чэка купон лічыцца не дзейсным.
Плата за экскурсійнае абслугоўванне рэалізуецца ў поўнай меры.
Чакаем Вас! Не забывайцеся пра выкананне абавязковага масачнага рэжыму. Беражыце сябе і сваіх блізкіх!
