7 кастрычніка ў Мастацкім музеі імя В.К.Бялыніцкага-Бірулі, філіяле Магілёўскага абласнога мастацкага музея імя П.В.Масленікава, адбылося адкрыццё літаратурна-дакументальнай выставы “Крывёю сэрца”.

Выстава была створана супрацоўнікамі Дзяржаўнага музея гісторыі беларускай літаратуры да 80-годдзя вызвалення Беларусі ад нямецка-фашысцкіх захопнікаў. Яна атрымала назву ад аднайменнага зборніка вершаў беларускіх паэтаў, якія загінулі ў гады Вялікай Айчыннай вайны. На прыкладзе творчых лёсаў Змітрака Астапенкі, Васіля Быкава, Івана Мележа, Паўлюка Пранузы, Зінаіды Бандарынай, Івана Шамякін, Аркадзя Куляшова і многіх іншых паказаны каштоўны, рознабаковы ўклад беларускіх літаратараў у набліжэнне Перамогі.