У рамках акцыі “Збіраем рарытэты разам” фонды ўстановы “Дзяржаўны музей гісторыі беларускай літаратуры” папоўніліся ўнікальнымі прадметамі. Гэта чарцяжы, дакументы, генеральны план дачы ў пасёлку Ждановічы (Мінскі раён, вул. Вінаградная, д. 62), якая належала Васілю Уладзіміравічу Быкаву народнаму пісьменніку Беларусі. Музей-дача, як  філіял ўстановы “Дзяржаўны музей гісторыі беларускай літаратуры”, была адкрыта 19 чэрвеня 2014 года да 90-годдзя пісьменніка. Яна дае ўяўленне пра дачны побыт творцы ў 1985-1998 гг., пра тое, якім Васіль Быкаў быў у штодзённым жыцці.