А вось і невялічкая фотасправаздача з урачыстага ўзнагароджання пераможцаў акцыі “Вясна ў восень”, прысвечанай 90-годдзю з дня нараджэння Уладзіміра Караткевіча.
Адлюстраваць свае пачуцці і ўражанні, выкліканыя творамі пісьменніка, паспрабавалі 74 удзельнікі. Арыгінальныя работы дэманстраваліся ў межах юбілейнай экспазіцыі “Уладзімір Караткевіч у выяўленчым мастацтве”.
Усе ўдзельнікі конкурсу атрымалі свае ўзнагароды. Акрамя гэтага, партнёрамі музея Саюзам пісьменнікаў Беларусі, Беларускім фондам культуры, “Краязнаўчай газетай”, часопісам «Вясёлка» і кампаніяй Белгіпс-ЭКА былі ўстаноўлены дадатковыя падарункі.
Запрашаем і Вас за натхненнем і цікавымі эксперыментамі ў наш музей!