Ізноў Траецкае…ізноў
Да гэтых вежаў і муроў
Спяшаюся, як на спатканне,
Дзе свеціць даўняе каханне…

25 жніўня а 19 гадзіне запрашаем вас, шаноўныя сябры, на спатканне з пісьменнікам, журналістам, публіцыстам, аўтарам і вядучым шматлікіх радыёпраграм, Навумам Гальпяровічам.

Па словах самаго паэта, ён – “сапраўдны ўлюбёнец лёсу”, бо нарадзіўся ў старажытным Полацку. Яго дзяцінства і сталенне праходзіла па суседству з Сафіяй, дзе адчуваецца подых старажытнай гісторыі, які паўплываў і на станаўленне будучага пісьменніка і грамадзяніна.

Суразмоўцамі Навума Якаўлевіча на яго радыёпраграмах з’яўляюцца людзі, адданыя Беларусі і справе захавання і развіцця нацыянальнай спадчыны.

Падчас творчага вечара вядомы пісьменнік стане нашым з вамі суразмоўцам – і вы зможаце не толькі задаць пытанні і атрымаць шчырыя адказы, але і пры жаданні самі пачытаць вершы аўтара.

Чакаем вас па адрасе вул. М.Багдановіча, 7а.

Квіток – 10 рублёў.

Запіс па тэлефоне +375 17 355 22 95.