Пра Ажэшку без пафасу – як пра чалавека, а не бронзавы бюст.

Дзяржаўны музей гісторыі беларускай літаратуры запрашае на шостую з цыкла лекцый Святланы Воцінавай “Сны самотнага дзьмухаўца: па старонках біяграфіі Элізы Ажэшкі”.

17 ліпеня а 18-й — лекцыя шостая: “Сны залатыя”.

У 1901-м ад безвыходнасці ў асабістым жыцці і прафесійных справах яна зазбіралася ў манастыр. Але гэта пасля таго, як закончыўся для яе “сон залаты”, “апошні міраж жыцця”, “страфа паэмы”, “найлепшы”. У 1898-м з’явіліся ў яе жыцці Францішак Гадлеўскі і “Дні”…

• “Па аўтографу здагадайся, якая авантура са мною здарылася”.
• Паслядоўніца Анры Аміеля.
• Пісьменніца-маралістка, кабінетная утапістка…
• “Добра асуджаць Мураўёва, седзячы ў будуары”.

Акалічнасці жыцця і творчасці 1890-х і 1900-х.

Кошт: 3 рублі.

Калі: 17 ліпеня 2019 г. а 18-й гадзіне.

Дзе: Дзяржаўны музей гісторыі беларускай літаратуры (вул. М. Багдановіча, 13).

Даведкі па тэл.: (17) 334 56 21.