19 чэрвеня 2024 года спаўняецца 100 год з дня нараджэння народнага пісьменніка Беларусі Васіля Уладзіміравіча Быкава (19 чэрвеня 1924, в.Бычкі, Ушацкі раён – 22 чэрвеня 2003, в.Бараўляны, Мінскі раён).
З 19 па 22 чэрвеня, у межах штогадовай акцыі “Быкаўскія дні” і да 100-годдзя пісьменніка, на тэрыторыі філіяла Дзяржаўнага музея гісторыі беларускай літаратуры “Музей-дача Васіля Быкава” пройдзе святкаванне юбілейнай даты.
ПРАГРАМА МЕРАПРЫЕМСТВАЎ:
Дзень першы. 19/06/2024. “Знаёмы незнаёмы Быкаў”.
13:00–14:00 Экскурсія па музеі-дачы (знаёмства з пастаяннай экспазіцыяй, дапоўненай малюнкамі В.Быкава і экспанатамі з фондаў ДМГБЛ).
14:30–16:00 Літаратурныя размовы з наведвальнікамі на падворку дачы. Віктарына па загадкавых старонках творчасці Васіля Быкава.
16:00–17:30 Чаяванне.
Вядучы – старшы навуковы супрацоўнік І.Р.Князева. Уваход вольны.
Дзень другі. 20/06/2024. “Ведаць тое, аб чым пішаш”.
Прыём наведвальнікаў, экскурсія-лекцыя, прысвечаная пачатку творчага шляху і першым спробам пяра Васіля Быкава на прыкладзе апавяданняў і аповесцей 1950–1960-х гг.
Вядучы – старшы навуковы супрацоўнік І.Р.Князева. Уваход па квітках.
Дзень трэці. 21/06/2024. “Шумныя бярозы”.
14:00–17:30 Літаратурна-мастацкі пленэр з удзелам наведвальнікаў музея: бліц-лекцыя па тэорыі літаратуры, чытанне мастацкага эсэ І.Р.Князевай “Аўтамабіль, час і Васіль Быкаў”, літаратурныя гульні, напісанне ўдзельнікамі пленэра невялікіх уласных мастацкіх твораў, стварэнне ілюстрацый да іх.
Пленэр праводзяць пісьменніца, паэтка, публіцыст, член Саюза пісьменнікаў Беларусі, рэдактар аддзела прозы часопіса “Нёман” Т.М.Дашкевіч і старшы навуковы супрацоўнік ДМГБЛ І.Р.Князева. Уваход па квітках.
Дзень чацверты. 22/06/2024. “Васільковы пленэр”.
14:00–18:00 Роспіс шопераў у тэхніцы маляваных дываноў на тэму “Выяўленне вобразаў В.Быкава праз інсітнае мастацтва”.
Праводзіць старшы навуковы супрацоўнік І.Р.Князева.
Кошт – 30 руб. Запіс па тэл. +375 (29) 811-21-85.
Шчыра запрашаем усіх далучыцца да святкаванняў! Будзем рады вітаць!
Музей-дача Васіля Быкава працуе з 12:00 да 18:00 па адрасе Мінскі раён, аг.Ждановічы, вул.6-я Дачная, 62. Тэл. +375 (29) 811-21-85.
