28 лістапада 2023 года а 19-й гадзіне ў Літаратурным музеі Максіма Багдановіча адбудзецца музычна-паэтычная імпрэза “Ружая птушка восені” ў рамках праекта “Вежа міру”.

Вядома, што знаёмства з культурай іншай краіны ўзбагачае ўласную, і цудоўна, калі гэты працэс узаемны. Так, ужо колькі год спявачка і педагог Ірына Лой арганізуе для сумеснай творчасці студэнтаў Кітая і Беларусі. З плёнам гэтай працы можна пазнаёміцца ў музеі Максіма Багдановіча.

Класічныя кітайскія і беларускія спевы для вас выканаюць лаўрэаты міжнародных і рэспубліканскіх конкурсаў Ірына Лой, Таццяна Левіцкая, а таксама Луіза Барнатовіч, Кацярына Дударава, Віктар Багачоў, Лі Сяо Хань, Луань Юй Цзэ. Акампануюць спевакам Ганна Лабкоўская і Кацярына Грынь.

Акрамя таго, вас чакаюць беларускія вершы і пераклады з кітайскай паэзіі, прысвечаныя любові, радзіме і вышэйшым сілам ў выкананні Алесі Сівохінай.

Уваход вольны.

Падрабязная інфармацыя па тэлефонах: +375 29 850 73 27, +375 17 363 07 61.

Чакаем па адрасе: г.Мінск, вул. М.Багдановіча, 7а.