6 жніўня 2024 года, а 19-й гадзіне ў Літаратурным музеі Максіма Багдановіча адбудзецца прэзентацыя кнігі Міхала Бараноўскага “VOLUMEN.3”.

Кніга складаецца з чатырох раздзелаў, у якіх аўтар спрабуе знайсці аптымальныя для сябе формы выказвання — ад малой паэмы да афарыстычных «пункціраў», працягвае развіваць уласную эстэтыку і шукаць сваё месца ў літаратуры… дзесьці на памежжы думкі і эмоцыі.

Гэта трэці паэтычны зборнік Міхала Бараноўскага. Вершы, прадстаўленыя ў кнізе, былі напісаны ў перыяд з восені 2020 па вясну 2024 года і часткова друкаваліся ў перыёдыцы: “Маладосць”, “Полымя”, “ЛіМ”.

Цягам мерапрыемства прагучаць вершы з новай кнігі, гісторыі з імі звязаныя, а таксама песні ў аўтарскім выкананні. Напрыканцы мерапрыемства адбудзецца аўтографсесія.

Уваход – 5 рублёў (квіток у музей).

Адрас: г. Мінск, вул. М.Багдановіча, 7а.

Тэл. +375 29 101 71 47, +375 17 363 07 61.