Батлейка – беларускі народны лялечны тэатр, які быў вядомы яшчэ з XVI стагоддзя. Гэта адзін са старажытных відаў беларускага мастацтва. Назва “батлейка” паходзіць ад гораду Бэтлеем, дзе нарадзіўся Ісус Хрыстос. Звычайна прадстаўленне ладзілася на Каляды і падчас святкавання Божага Нараджэння.

28 снежня запрашаем святкаваць разам у Літаратурны і наведаць унікальную батлейку музыкі, этнографа, майстра музычных інструментаў Алеся Лася. Вы пабачыце батлеечную скрыню і лялькі, створаныя паводле арыгінальнай батлейкі канца XIX стагоддзя з калекцыі Паўла Шэйна, якую ён прывёз у Пецярбург з Магілёўшчыны. Малюнкі арыгінальных лялек і абмеры батлейкі былі зробленыя з каштоўнага экспаната ў Расійскім этнаграфічным музеі яшчэ ў 1980-х.

У выкананні Алеся Лася і Алесі Сівохінай вы пабачыце ўнікальныя аўтэнтычныя батлеечныя сюжэты: містэрыю “Цар Ірад” і побытавыя  інтэрмедыі іранічнага характару.

Запрашаем 28 снежня ў 12:00.

Кошт: 10 рублёў – дзеці; 15 рублёў – дарослыя.

Колькасць месцаў абмежаваная.

Перадпродаж квіткоў – у касе музея з аўторка па нядзелю з 10:00 да 18:30.

Узроставая катэгорыя: 5+.

Тэлефон для даведак: +375 17 363 56 21.

Адрас: г. Мінск, вул. М. Багдановіча, 13.