3 лістапада 2025 года на Усходніх могілках у Мінску адбылося адкрыццё надмагільнага помніка класіку беларускай літаратуры Змітраку Бядулю.

Як патлумачыў аўтар манумента, скульптар Сяргей Гумілеўскі, асноўная яго ідэя вырашана ў вобразе ўскалыханай пад парывам ветру нівы, а ломаныя формы сімвалізуюць пакручасты жыццёвы шлях пісьменніка.

На цырымоніі прысутнічаў сын Змітрака Бядулі – Яфім Самуілавіч Плаўнік, які высока ацаніў мастацкія вартасці манумента – сціплага і велічнага адначасова.

З прамовамі выступілі прадстаўнікі Міністэрства культуры, Саюза пісьменнікаў Беларусі, Беларускага дзяржаўнага архіва-музея літаратуры і мастацтва.

Пасля цырымоніі ў філіяле Дзяржаўнага музея гісторыі беларускай літаратуры “Беларуская хатка” (месціцца ў доме, дзе Змітрок Бядуля жыў з 1914 па 1918 гг.) адбылася сустрэча з прадстаўнікамі Мінскага грамадскага аб’яднання яўрэйскай культуры, якія перадалі музею кнігі яўрэйскіх пісьменнікаў – ураджэнцаў Беларусі.