21 лютага а 16-й гадзіне запрашаем вас на сустрэчу з роднай мовай у Літаратурны музей Максіма Багдановіча!

Створым сапраўдную оду матчынаму слову: будзем будаваць, рыфмаваць, смяяцца і нават спяваць, а таксама разыграем настолку i абмяняемся таемнымі кнігамі-падарункамi.

Якія цікавосткі вас чакаюць гэтым разам?

• Слоўны крос.
• Загадкі паводле вершаказаў Алеся Разанава і спроба самастойнага напісання сваіх.
• Фразеалагічны “Кракадзіл”.
• “Апазнанкі” пісьменнікаў па фота і апісанні.
• Рыфмаванкі і літаратурныя пераўвасабленні.
• Пытанні для грамацеяў.
• Літаратурныя “пярэваратні”.

Каб атрымаць кнігу ў падарунак ад незнаёмага сябра, трэба прынесці сваю (не абавязкова новую, але на беларускай мове). Абгарніце яе, калі ласка, у паперу альбо пакладзіце ў пакуначак.

Квіткі: 10 р.

Запіс па тэлефоне: +375 17 355 22 95.

Чакаем па адрасе: г.Мінск, вул. М.Багдановіча, 7а.