Міжнародны дзень абароны дзяцей – адно з самых старых міжнародных святаў. Рашэнне аб яго правядзенні было прынята ў 1925 годзе на Сусветнай канферэнцыі, прысвечанай пытанням дабрабыту дзяцей, у Жэневе. У 1950 г. 1 чэрвеня быў праведзены першы Міжнародны дзень абароны дзяцей, пасля чаго гэта свята праводзіцца штогод.

3 чэрвеня Дзяржаўны музей гісторыі беларускай літаратуры запрашае хлопчыкаў і дзяўчынак (ад 8 да 12 гадоў) разам з іх бацькамі, праз гульню, акунуцца ў свет беларускай казкі. Удзельнікаў чакаюць незабыўныя сустрэчы з цікавымі героямі ды міфічнымі істотамі, а таксама мудрагелістыя заданні, праз якія будзе пралягаць шлях да фінішу і падарункаў.

Кошт уваходнага квітка для сямейных наведвальнікаў: 5 рублёў (сям’я да 5 чалавек).

Час правядзення: 11:00 – 18:00.

Працягласць праграмы: 45-60 хв.

Чакаем вас па адрасе: г. Минск, вул. М.Багдановіча, 13.

Тэлефон для даведак: +375 17 363 56 21.