“Узор мой вытчацца даўгім
На кроснах цішы і неспакою –
Паміж зялёнаю вясною
І лістападам залатым.”
Яўгенія Янішчыц
Дзяржаўны музей гісторыі беларускай літаратуры запрашае на майстар-клас мастачкі Яны Янішчыц “Паміж зялёнаю вясною і лістападам залатым.”
Зімовая сцюжа, мароз ды іней – выдатныя мастакі, што ствараюць цудоўныя карункавыя ўзоры. Зімовае снежнае покрыва як чысты аркуш паперы перад мастаком. У ролі сапраўдных пейзажыстаў можна будзе паспрабаваць сябе на нашым майстар-класе. Яна Янішчыц распавядзе сакрэты сапраўднага пейзажыста і дапаможа кожнаму ўдзельніку стварыць свой непаўторны зімовы вобраз.
Падчас майстар-класа будзем ствараць паштоўкі з зімовымі краявідамі і ўвасабляць палёт творчай думкі ў малюнках.
Майстар-клас ладзіцца ў межах працы выставы “На беразе ракі…”, якую складаюць матэрыялы сям’і Яўгеніі Янішчыц і мастацкія працы ўнучкі паэткі Яны Янішчыц.
25 студзеня, 15:00.
Кошт: 3 рублі/удзельнік. Узроставая катэгорыя: 12+
Удзел толькі па папярэднім запісе: +375 (17) 363-56-21.