7 мая 2021 года ў Літаратурным музеі Петруся Броўкі адбылася літаратурная імпрэза “З клічам гордым: – Перамога!”, прысвечаная Вялікай Айчыннай вайне. Боль аб мінулым, успаміны ваенных гадоў, радасць перамогі – гэтыя тэмы атрымалі інтэрпрэтацыю праз творчае майстэрства ўдзельнікаў імпрэзы.

Паэтэсы Вера Буланда, Людміла Паўлікава-Хейдарава, Тамара Гапоненка, Вера Міхно падзяліліся сваімі ўспамінамі аб родных мясцінах і прачыталі пранікнёныя вершы, прысвечаныя вайне.

Арсеній Лагун, пераможца конкурса чытання вершаў, вучань 62-ой школы г.Мінска, прачытаў верш Пімена Панчанкі “Словы пра Мінск”.

Асабісты святочны настрой мерапрыемству надала песня “Дзень Перамогі”, якую ўдзельнікі выканалі разам.