Дзяржаўны музей гісторыі беларускай літаратуры

Адкрый для сябе скарбы нацыянальнай літаратуры

BelarusianEnglishGermanRussian

Дзяржаўны музей гісторыі беларускай літаратуры

Дзяржаўны музей гісторыі беларускай літаратуры

BelarusianEnglishGermanRussian

Літаратурны музей Петруся Броўкі запрашае на тэатралізавана-інтэрактыўную дзею “Мужчына кахае Жанчыну”

26 сакавіка а 18-й гадзіне Літаратурны музей Петруся Броўкі запрашае на тэатралізавана-інтэрактыўную дзею “Мужчына кахае Жанчыну”. Вас чакаюць лепшыя вершы пра каханне ад беларускіх паэтаў ХХ ст.: Якуба Коласа, Петруся Броўкі, Уладзіміра Дубоўкі, Тодара Кляшторнага, Пятра Глебкі, Анатоля Вярцінскага і інш.

Іх паэзія была пачуццёвай, яркай, прыцягальнай. Яна вызначалася артыстызмам, вытанчанасцю, эмацыянальнасцю.

Для многіх будуць адкрыццём асобныя вершы згаданых паэтаў. Пра што яны марылі, каго кахалі, ці шанцавала ім у каханні? Пра ўсё гэта вы даведаецеся, калі завітаеце на нашу вечарыну. 

Аўтар і вядучы – Васіль Дранько-Майсюк.

Вершы чытаюць Алена Баярава, вядучая актрыса Рэспубліканскага тэатра беларускай драматургіі, і Васіль Дранько-Майсюк.

Уваход па квітку ў музей:

дарослыя – 4 руб.

студэнты і навучэнцы – 2 руб.

Месца правядзення: Літаратурны музей Петруся Броўкі (г. Мінск, вул. К.Маркса, 30).

Кантактныя тэлефоны: (017) 363-97-50, (017) 342-09-81.