Творчая сустрэча

з мастачкай Надзеяй Пашкевіч

у межах персанальнай выставы

«Максім Багдановiч – пясняр роднага краю»,

прысвечанай 130–годдзю з Дня нараджэння паэта

Шаноўныя сябры, запрашаем на творчую сустрэчу з мастачкай Надзеяй Пашкевіч. Сустрэча пройдзе ў фармаце лекцыі-экскурсіі па яе выставе “Максім Багдановіч – пясняр роднага краю”.

Творчасць Максіма Багдановіча поўная глыбокай эстэтычнай і лірычнай інтуіцыі, многія вершы літаральна насычаны аналітычнымі радкамі і складаюць разам цэласную праграму сапраўднага чалавечага жыцця, кодэкс духоўных паводзінаў чалавецтва. Кожны яго твор моцна ўздзейнічае на чалавека, пранікае ў самую душу і натхняе іншых творцаў.

Надзея Пашкевіч адмыслова стварыла мастацкія работы на вершы Максіма Багдановіча да яго юбілею. Уся серыя работ мастачкі па сваім лірычным гучанні рэзаніруе з паэтычнымі радкамі паэта, што дазваляе гледачу яшчэ больш прачуць паэзiю і працу аўтара.

Пра сваё творчае натхненне, асабісты стыль, лірычны абстракцыянізм, свой вобразны свет ілюзій, бачанняў і станаў распавядзе Надзея падчас сустрэчы.

 Творчая сустрэча з Надзеяй Пашкевіч адбудзецца

18 сакавіка 2021 года ў 18.00

         Літаратурны музей Максіма Багдановіча

г.Мінск, вул. М.Багдановіча, 7а

Тэлефон: 8 (017) 355 22 95

 Уваходны квіток:

2 руб., ільготны – 1 руб.