Літаратурны музей працягвае праект “Кола года”, у межах якога мы знаёмімся з традыцыйнай культурай і побытам нашых продкаў.

Новая лекцыя будзе прысвечана ляхавіцкаму традыцыйнаму строю, які мае свае выразныя ўнікальныя адметнасці. Гэта адзін з трох строяў, якія сфарміраваліся ў межах былога Слуцкага павета.

На папярэдніх лекцыях мы ўжо разглядалі слуцкі і капыльска-клецкія строі, цяпер на падставе старых этнаграфічных фотаздымкаў, музейных збораў і экспедыцыйных матэрыялаў падрабязна даследуем ляхавіцкі строй. Шчыра запрашаем на чарговую сустрэчу!

Лекцыя пройдзе 28 лютага ў 14:00.

Уваходны квіток: 8 рублёў.

Тэлефон для даведак: +375 17 363 56 21.