ЛабаРАторыя паэтычнай метафізікі.

МЕТАФІЗІКА КАНОНУ:

Якуб Колас і метафізіка. Творчая беспрытульнасць

16 красавіка 2025, а 19-й гадзіне

Літаратурны музей Максіма Багдановіча працягвае цыкл сустрэчаў, прысвечаных беларускай (і сусветнай) традыцыі метафізічнай паэзіі / інтэлектуальнай літаратуры.

Якуб Колас у беларускім літаратурным свеце амаль ад пачатку сімвалізуе ўстойлівасць, угрунтаванасць, прагу ўкаранення. Ён відавочна звязаны са стыхіяй зямлі, а дарога ў родны кут сталася ўлюбёным вобразам, амаль архетыпам.

У той жа час яму належыць адна з самых душэўных і пранізлівых гісторый пра лёс творцы, пра творчую беспрытульнасць: паэма «Сымон-музыка». У супольных разважаннях мы паспрабуем разгадаць загадку гэтай тэмы: Адкуль яна паўстае? Чаму менавіта у Коласа? І ўвогуле, што рабіць паэту ў «мізэрным часе»?

Мадэратар: Ігар Бабкоў, вядучы навуковы супрацоўнік Інстытута філасофіі НАН Беларусі, кандыдат філасофскіх навук, дацэнт.

Уваходны квіток: 5 р.

г.Мінск, вул. М.Багдановіча, 7а.

+375 29 101 71 47, +375 17 363 07 61.

З А П Р А Ш А Е М !