У сценах Літаратурнага музея працягвае працу выстава жывапісу з інтрыгуючай назвай “Экалагічная дысперсія” Алеся Родзіна. Гэта назва невыпадкова выклікае асацыяцыі з фізічнымі працэсамі, звязанымі з рассейваннем святла ці матэрыі. Аднак у кантэксце творчасці Алеса Родзіна рассейванне становіцца глыбокай метафарай, сімвалізуе інтэлектуальнае і творчае выпраменьванне, якое мастак пакінуў пасля сябе. На працягу дзесяцігоддзяў Алесь Родзін ствараў уласную экасістэму сэнсаў, якая не знікла з яго сыходам, а пачала працэс дысперсіі — пранікнення ў свядомасць новых пакаленняў, рассейвання ідэй у прасторы і часе.

9 ліпеня а 19-й гадзіне запрашаем далучыцца да куратарскай экскурсіі ад стваральніка выставачнага праекта Змітра Юркевіча – сябра і паплечніка Алеся Родзіна. Вы атрымаеце ўнікальную магчымасць пабачыць адноўленную экспазіцыю, якая напоўніцца новымі работамі мастака!

Гэтая выстава ўяўляе сабой не проста нерухомы помнік, а з’яву, якая ўвасабляе ў сабе дынамічную прыроду самога Родзіна. Падчас экскурсіі вы даведаецеся пра незвычайны творчы шлях мастака, пра яго пошукі і эксперыменты, пра тое, як ён узаемадзейнічаў з рознымі творчымі супольнасцямі і як яго працы сталі часткай перформансаў нулявых. Гэтыя перформансы адрозніваліся сваёй смеласцю і наватарствам, адчынялі новыя гарызонты ў мастацтве.

Час: 9 ліпеня, 19:00.

Кошт: 10 рублёў.

Адрас: г. Мінск, вул. М.Багдановіча, 13.

Тэлефон для даведак: +375 17 363 56 21.

Шчыра запрашаем!