17 лютага 2024 г. а 12-й гадзіне па просьбах зацікаўленых наведвальнікаў адбудзецца дадатковая куратарская экскурсія па выставе “Бурлівага лёту сляды незмярымы”, прымеркаванай да 100-годдзя заснавання літаратурнага аб’яднання “Маладняк”. 

Куратар экспазіцыі, старшы навуковы супрацоўнік Ірына Князева прадставіць надзвычай цікавы перыяд у гісторыі беларускай культуры – 1920-я гады. І, канешне, адну з самых адметных з’яў таго часу – часопіс “Маладняк”, вакол якога паўстала цэлая грамада выбітных маладых пісьменнікаў.

Кошт: 10 рублёў.

Удзел па папярэднім запісе па тэл. +375 17 395 44 47, +375 17 363 94 65 або праз асабістыя паведамленні ў сацыяльных сетках музея.

Замовіць куратарскую экскурсію для арганізаванай групы таксама магчыма. Тэлефануйце і пішыце!