Літаратурны музей Петруся Броўкі ведае, як прыемна і карысна правесці час разам з сябрамі! 17 верасня мы запрашаем далучыцца да інтэрактыўнай праграмы “Хадзем разам у музей!”, прымеркаванай да Дня народнага адзінства. У гэты дзень з 14:00 да 19:00 вы зможаце за адзіны квіток наведаць музей і паўдзельнічаць у музейных гульнях разам з роднымі і сябрамі.

ПРАГРАМА:

• Настольная гульня “Растлумач мне, калі ласка!” дазволіць весела і цікава праверыць сваю эрудыцыю і папрактыкаваць беларускую мову з дапамогай сінонімаў, антонімаў, намёкаў, гукаў, рухаў – і добрага настрою.
• Занятак “Калі саджуся за паперу” дасць вам магчымасць адчуць сябе сапраўдным пісьменнікам мінулага стагоддзя! Вы зможаце засвоіць навык друкавання на пішучай машынцы, а таксама надрукаваць вершы Петруся Броўкі.
• Настольная гульня “Мінск вачыма Петруся Броўкі” пазнаёміць з гістарычна знакавымі лакацыямі ў біяграфіі народнага паэта Беларусі і дапаможа даведацца, што адбываецца на гэтых месцах у наш час, і папрактыкавацца ў чытанні вершаў.

Абавязковы папярэдні запіс.

Уваходны квіток: 10 руб.

Адрас: г. Мінск, вул. К. Маркса, 30.

Кантактны тэлефон: +375 (17) 342-09-81.