Гісторыя нашай сталіцы налічвае больш, чым тысячагадовую гісторыю. Чые толькі шляхі не праходзілі праз Менск-Мінск, безліч слядоў выбітных і шэраговых, таленавітых і неардынарных асоб засталіся на вулках горада. У святочны дзень, 13 верасня, запрашаем прайсціся па мясцінах народных пісьменнікаў і паэтаў.

Роўна сто год таму ганаровае званне атрымаў першы народны паэт – Янка Купала. Пазней у гэтым пачэсным шэрагу з’явіцца яшчэ амаль два дзесяткі імёнаў: Янка Брыль, Якуб Колас, Іван Чыгрынаў, Пімен Панчанка, Аркадзь Куляшоў…

На імпрэзе мы пазнаёмімся з цікавымі мясцінамі, звязанымі з сустрэчамі і знакавымі падзеямі ў жыцці літаратараў. А таксама кожны жадаючы атрымае магчымасць працягнуць віртуальную вандроўку ўжо ў рэальнасці атрымаўшы адмысловае заданне ад Літаратурнага музея. Падрабязней на сустрэчы. Запрашаем!

Час: 13 верасня, 17:00.

Уваходны квіток: 8 рублёў.

Тэлефон для даведак: +375 17 363 56 21.

Адрас: г. Мінск, вул. М. Багдановіча, 13.