Адкрый для сябе скарбы нацыянальнай літаратуры

BelarusianEnglishGermanPolishRussian

30 лістапада 2019 г. а 14-й гадзіне ў Дзяржаўным музеі гісторыі беларускай літаратуры адбудзецца прэзентацыя новага рамана Наталкі Бабінай “Бодай, будка”, які толькі што выйшаў у выдавецтве “Смэлток”.

Раман “Бодай, будка. Хтось тихий мовчить у темряві” – фантастычны трылер з элементамі гістарычнага, палітычнага і жаночага рамана. У кнізе дзейнічаюць некаторыя героі першага рамана Наталкі Бабінай “Рыбін горад”, аднак “Бодай, будка” – зусім самастойны твор, напісаны з уласцівым гэтай аўтарцы размахам.

Яшчэ адна важная асаблівасць твора “Бодай, будка” – гэта першы раман, напісаны ў Беларусі па-ўкраінску.

На прэзентацыі Наталка Бабіна распавядзе пра гісторыю стварэння рамана і падзеліцца сваімі думкамі пра важнасць/непатрэбнасць нацыянальнай ідэнтычнасці ў глабалізаваным свеце.

Запрошаныя госці – галоўны рэдактар “Нашай Нівы” і “Нашай гісторыі” Андрэй Дынько, дэкан факультэта філалогіі і журналістыкі Усходнееўрапейскага нацыянальнага ўніверсітэта імя Л. Украінкі (Луцк, Украіна) Юрый Громык, культуролаг Віктар Місіюк.

Удзельнікі сустрэчы разам са Студэнцкім этнаграфічным таварыствам заспяваюць песні, а таксама навучацца танчыць танцы, якія спяваюць і танцуюць героі ў рамане.

Запрашаем аматараў беларускай і украінскай літаратуры.

Уваход вольны.

Дзе: Дзяржаўны музей гісторыі беларускай літаратуры (вул. М. Багдановіча, 13)

Калі: 30 лістапада 2019, 14:00

Апошнія навіны