Сёння, 24 чэрвеня 2025 года, літаратурны свет адзначае 125 гадоў з дня нараджэння Кузьмы Чорнага (Мікалая Карлавіча Раманоўскага). На яго Радзіме, у аграгарадку Цімкавічы Капыльскага раёна, 21 чэрвеня прайшло чацвёртае літаратурна-музычнае свята “Цімкавіцкія вытокі”. Навукоўцы, музейшчыкі, бібліятэкары, настаўнікі, артысты, прыхільнікі і землякі славутага класіка з вялікай радасцю і гонарам адсвяткавалі юбілейную дату.
