25 чэрвеня 2022 года ў в.Цімкавічы Капыльскага раёна, на радзіме Кузьмы Чорнага, прайшло літаратурна-музычнае свята “Цімкавіцкія вытокі”, прысвечанае дню нараджэння пісьменніка. Арганізатарамі свята выступілі ўстанова “Дзяржаўны музей гісторыі беларускай літаратуры”, Капыльскі раённы выканаўчы камітэт, грамадскае аб’яднанне “Саюз пісьменнікаў Беларусі”. Адной з галоўных пляцовак фэсту стаў філіял Дзяржаўнага музея гісторыі беларускай літаратуры– Літаратурны музей Кузьмы Чорнага.