Па беларускіх землях раскіданыя дзясяткі помнікаў старасвецкай культуры, якія можна знітаваць у адну гісторыю – гісторыю лёсаў аднаго з найцікавейшых творчых пакаленняў. Кагорта студэнтаў Віленскага ўніверсітэта, таварыства філаматаў, іх сябры, родныя і паплечнікі стваралі вакол сябе асяродкі культуры. Шляхецкія сядзібы, бібліятэкі, касцёлы і школы былі цэнтрамі культурнага жыцця.

Да сёння можна адшукаць безліч слядоў той эпохі ў ваколіцах Навагрудка і Баранавічаў. Адна з такіх мясцінаў – Бартнікі. Сюды сыходзіліся пуцявіны Адама Міцкевіча і Ануфрыя Петрашкевіча, Ігната Дамейкі і Юзафа Сурэвіча. Тут пражыў свае апошнія гады Ян Чачот. Мясцовая сядзіба Слізняў памятае безліч сустрэч. Тут жа студэнты ладзілі экспедыцыі і летні тэатр.

Варонча, Завоссе, Вольна, Туганавічы, Бурдыкоўшчына, Медзвядка… Пералік знакавых мясцінаў можна яшчэ працягваць і працягваць. Акурат гэтымі філамацкімі шляхамі пройдземся падчас наступнай лекцыі даследчыка, архівіста, супрацоўніка газеты “Культура” Змітра Юркевіча у межах праекта “Па мячы і па кудзелі. Гісторыя сям’і – гісторыя асобы”.

Шчыра запрашаем!

Час: 27 мая 2025, 19:00.

Кошт білетаў: 8 рублёў.

Тэлефон для даведак: +375 17 363 56 21.

Адрас: г. Мінск, вул. М. Багдановіча, 13.