2021 год для літаратурнага музея будзе праходзіць пад знакам народных пісьменнікаў Беларусі Івана Шамякіна і Івана Мележа, якім у гэтым годзе спаўняецца 100-гадоў з дня нараджэння. З гэтай нагоды распачата стварэнне некалькіх выставачных праектаў – літаратурна-дакументальная экспазіцыя “Ад палескіх імхоў да асвейскіх крыніц…”, адкрыццё якой адбудзецца ў літаратурным музеі 8 лютага ў 17 гадзін (вул.М.Багдановіча, 13), а таксама літаратурна-дакументальная выстава, прысвечаная жыццю і творчасці І.Шамякіна, якая будзе экспанавацца ў Дзелавым і культурным комплексе Пасольства Рэспублікі Беларусь у Расійскай Федэрацыі (г. Масква, вул. Марасейка 17/6, буд. 3). Акрамя гэтага, з 1 па 28 лютага ў сацыяльных сетках плануецца правядзенне чэленджу #ШамякінМележ100. Сачыце за нашымі навінамі!