Літаратурны музей Петруся Броўкі запрашае ўсіх далучыцца да святкавання Тыдня бацькоўскай любові! З 15 па 20 кастрычніка 2024 года кожная сям’я атрымае магчымасць за адзіны квіток наведаць экспазіцыю музея, паўдзельнічаць у займальных і захапляльных гульнях для дзяцей і для дарослых у межах акцыі “Прывядзі сваіх дзяцей… У музей!”!

ПРАГРАМА:

• Настольная гульня “Растлумач мне, калі ласка!” дазволіць весела і цікава праверыць сваю эрудыцыю і папрактыкаваць беларускую мову з дапамогай сінонімаў, антонімаў, намёкаў, гукаў, рухаў – і добрага настрою.
• Занятак “Калі саджуся за паперу” дасць вам магчымасць адчуць сябе сапраўдным пісьменнікам мінулага стагоддзя! Вы зможаце засвоіць навык друкавання на пішучай машынцы, а таксама надрукаваць вершы Петруся Броўкі.
• Настольная гульня “Мінск вачыма Петруся Броўкі” дапаможа пазнаёміцца з гістарычна знакавымі лакацыямі ў біяграфіі народанага паэта Беларусі і даведацца, што адбываецца на гэтых месцах у наш час, а таксама папрактывацца ў чытанні вершаў.
• Квэст “Апошняя справа кватэры Броўкі” дазволіць адчуць сябе непаўторным дэтэктывам, раскрыць усе тайны музея ды судакрануцца з музейнымі экспанатамі.

Абавязковы папярэдні запіс.

Уваходны квіток: для сем’яў агульны квіток – 10 руб.; для іншых наведвальнікаў – па прэйскуранце.

Адрас: г. Мінск, вул. К.Маркса, 30.

Кантактны тэлефон: +375 (17) 342-09-81.