9 снежня спаўняецца 131 год з дня нараджэння генія беларускай літаратуры – Максіма Багдановіча. Запрашаем адзначыць Дзень нараджэння Паэта разам з намі!

Праграма:

12:00 – ускладанне кветак да помніка Максіму Багдановічу (каля Нацыянальнага акадэмічнага Вялікага тэатра оперы і балета Рэспублікі Беларусь);

18:30 – прэзентацыя мастацка-дакументальнай выставы з фондаў Літаратурнага музея Максіма Багдановіча “КП 2022” (Мінск, вул. М. Багдановіча, 7а);

19:00 – імпрэза “Музыка жыцця” з удзелам салістаў “Класік-Авангард” пад кіраўніцтвам Людмілы Каліноўскай (Мінск, вул. М. Багдановіча, 7а).

Сёлета ў сценах музея часта гучала класічная музыка, але святочная імпрэза будзе асабліва адметнай, бо ансамбль падрыхтаваў спецыяльную музычную праграму. Яна складаецца з класічных твораў, якія любіў слухаць Максім Багдановіч, а таксама інструментальных апрацовак песень, дарагіх яго сэрцу. Прагучаць творы Баха, Моцарта, Шапэна, Мендэльсона, Маснэ, Агінскага, Глінкі, Шашына і Рак-Міхайлоўскага.

Запрашаем у Літаратурны музей Максіма Багдановіча, каб разам адзначыць Дзень народзінаў паэта, адчуць музыку яго сэрца і знайсці водгук у сваім…

Уваход у музей і на імпрэзы вольны.

Тэл. +375 (17) 363-07-61