10 снежня а 18-й гадзіне у Літаратурным музеі Петруся Броўкі адбылася тэатралізавана-інтэрактыўная дзея “Вогненны Чарот”, якая прысвячалася пачынальніку беларускай пралетарскай літаратуры Міхасю Чароту.

На мерапрыемстве прагучалі вершы і паэмы аўтара ў выкананні Васіля Дранько-Майсюка. Творы ўразілі прысутных разнастайнасцю форм і зместу. Паэзія Міхася Чарота, якая стала літаратурнай сенсацыяй яшчэ пры жыцці аўтара, да гэтага часу ўражвае сваёй шчырасцю, весялосцю, надзвычайнасцю.