14 лютага ў Літаратурным музеі Петруся Броўкі адбыўся рамантычны вечар “Музей для дваіх”.

Цудоўная пара пераможцаў акцыі атрымала магчымасць апынуцца ў музеі ў вечаровы час і правесці незабыўнае спатканне ў літаратурнай атмасферы. Напачатку удзельнікаў чакала спецыяльная экскурсія, прысвечаная каханню ў жыцці Петруся Броўкі, а потым пара змагла застацца сам-насам, паслухаць скрыпку ў жывым выкананні, атрымаць асалоду ад медытатыўнага віду на галоўны праспект Мінска.