Дырэктару

Віленскай беларускай гімназіі

імя Ф. Скарыны

сп. Дзіяне Стахновіч

 

 

Шаноўная спадарыня Дзіяна!

Паважаныя сябры!

 

Калектыў Дзяржаўнага музея гісторыі беларускай літаратуры сардэчна віншуе Вас, Вашых калег і вучняў са 100-гадовым юбілеем Віленскай беларускай гімназіі, сапраўдным спадчыннікам і пераймальнікам традыцый якой з’яўляецца Ваша ўстанова!

1 лютага 1919 года распачаліся заняткі ў гімназіі, якая хутка стала самым буйным беларускім асяродкам Вільні, адукацыйнай установай высокага ўзроўню, з якой звязаны імёны многіх слынных беларусаў.

Віленская беларуская гімназія дастойна носіць імя нашага славутага першадрукара – Францішка Скарыны і пацвярджае гэта сваім высокім прафесійным статусам. Прыемна тое, што Вы працягваеце з’яўляцца беларускім культурным цэнтрам Літвы. Дзякуй Вам за Вашы намаганні, накіраваныя на захаванне роднай мовы і традыцый беларускага народа, яго багатай і разнастайнай культурнай спадчыны!

Жадаем доўгіх гадоў натхняльнай і плённай працы! Няхай удзячныя вучні, працягваючы лепшыя традыцыі, радуюць сваімі поспехамі, а кожнае пакаленне выпускнікоў і выкладчыкаў напішуць у гісторыю гімназіі новыя славутыя старонкі!

Шчыра віншуем Вас!

 

З павагай і

спадзяваннямі на супрацоўніцтва,

 дырэктар установы Міхаіл Рыбакоў

 

 

 

Фота з фондаў Дзяржаўнага музея гісторыі беларускай літаратуры. 

Першы выпуск Віленскай беларускай гімназіі. 15.06.1921 г.

Злева направа, першы рад: вучаніцы Г.Бонч-Асмалоўская, Л.Макоўская, М.Васільева. Другі рад: настаўнікі Ф.Аляхновіч, А.Станкевіч, М.Кахановіч, Ф.Мікуліна, А.Луцкевіч, М.Гарэцкі. Трэці рад: вучні Г.Бонч-Асмалоўскі, А.Лабуць, В.Акушка, Нядзвецкая, А.Уладзімірская, Н.Арсеннева. Чацвёрты рад: вучні М.Пяткевіч, А.Клімовіч, В.Аляксюк, Л.Пусько, А.Сасноўскі.