Дзяржаўны музей гісторыі беларускай літаратуры

Адкрый для сябе скарбы нацыянальнай літаратуры

BelarusianEnglishGermanRussian

Дзяржаўны музей гісторыі беларускай літаратуры

Дзяржаўны музей гісторыі беларускай літаратуры

BelarusianEnglishGermanRussian

Цэнтр беларускай культуры адкрыў новы творчы сезон

Цэнтр беларускай культуры адкрыў новы творчы сезон

7 верасня 2018 года канцэртам у зале Даўгаўпілскага ўніверсітэта адбылося адкрыццё новага творчага сезона Цэнтра беларускай культуры.

Культура кожнага народа пачынаецца з мовы, буквара, пісьменства, літаратуры і адукацыі. Усе гэтыя вечныя каштоўнасці абазначаныя ў календары святаў – Дзень ведаў, Дзень беларускага пісьменства, 400-годдзе беларускага буквара; і менавіта ім быў прысвечаны пачатак новага творчага сезона Цэнтра беларускай культуры (ЦБК).

Урачыстасць адкрыў консул Генеральнага консульства Рэспублікі Беларусь у Даўгаўпілсе Мікалай Раманкевіч, які адзначыў важнасць захавання сваёй нацыянальнай культуры.

Мерапрыемства прадоўжылася прэзентацыяй перасоўнай выставы “Жыццё ў Слове” з фондаў Дзяржаўнага музея гісторыі беларускай літаратуры (Мінск), якую прадставіў супрацоўнік установы Андрэй Мельнікаў. 11 стэндаў, падрыхтаваных на аснове навуковых даследаванняў, распавядаюць пра гісторыю беларускай мовы і літаратуры. Паміж Даўгаўпілскім Цэнтрам беларускай культуры і Дзяржаўным музеем гісторыі беларускай літаратуры падпісана пагадненне аб супрацоўніцтве, і гэта ўжо шостая літаратурная выстава з Беларусі ў Даўгаўпілсе.

У Цэнтры беларускай культуры працуе харавая капэла “Спадчына”. Апраўдваючы сваю назву, творчы калектыў пад кіраўніцтвам педагога і дырыжора Яніны Антонаўны Юзэфовіч выконвае духоўныя творы, беларускія песні, якія з’яўляюцца класікай беларускай культуры. У гэтым годзе “Спадчына” святкуе свой першы юбілей – 5 гадоў, і гэта святочная дата прайшла чырвонай ніткай праз канцэртную праграму. Ансамбль прадставіў гледачам песні, з якімі нядаўна выступаў на фестывалі “ФЭСТ” у Дагдзе і на “Вішнёвым фестывалі” ў Глыбокім (Беларусь).

Кіраўніца ЦБК Жанна Раманоўская павіншавала калектыў “Спадчыны” з юбілеем і ўручыла яго кіраўніцы Я. Юзэфовіч падзячную грамату. Сваіх сяброў добрымі словамі і музычнымі падарункамі павіншавалі ансамбль беларускай народнай песні “Купалінка”, танцавальны ансамбль “Лянок”, вакальны ансамбль “Пралескі”, тэатральная студыя “Паўлінка”, ансамбль акардэаністаў “Квітнеючы май”, бард Віталь Міхайлоўскі, паэт Станіслаў Валодзька. А госць з Беларусі Андрэй Мельнікаў выканаў пад гітару песні на словы беларускага паэта Максіма Багдановіча.

Творчы сезон Цэнтра беларускай культуры адкрыты! Сардэчна запрашаем на мерапрыемствы!

 

Інфармацыя падрыхтавана:

Цэнтр беларускай культуры

Close Menu