Лекцыя “Традыцыйныя святы: позняя вясна”

Літаратурны музей працягвае лекцыйны праект “Традыцыйныя святы”.

Напрацягу ўсяго года мы разглядаем асноўныя святы традыцыйнага беларускага календара: іх змест, сімволіку, разнастайнасць абрадавых дзеянняў і паралелі са святамі іншых індаеўрапейскіх культур. Слухаем аўтэнтычны спеўны абрадавы фальклор з розных рэгіёнаў Беларусі, які агучвае гэтыя святы і раскрывае іх зместы ва ўсёй шматстайнасці.

Новая лекцыя прысвечаная позневеснавым святам у беларускім і еўрапейскім календарах. Будзем разглядаць травеньскія і, часткова, чэрвеньскія святы, якімі замыкаецца вясновы перыяд:
– Юр’я,
– Ушэсце,
– Сёмуха і русальны тыдзень.

Паглядзім, вакол якіх ідэй і канцэптаў будуюцца позневеснавыя святы, і як гэта ўвасабляецца ў абрадавай дзейнасці, а таксама паслухаем адпаведныя песні. Запрашаем 22 мая а 19-й гадзіне!

Кошт: 8 рублёў.

Тэлефон для даведак: +375 17 363 56 21.

Адрас: вул. М. Багдановіча, 13.