Ці чулі вы, сябры, што ў музеі Багдановіча завялася мышка? Яна завітала да нас з казкі вядомай пісьменніцы Людмілы Рублеўскай і пасялілася ў нашай батлейцы. Але што адбываецца з ёй, калі ў музеі згасае святло і зачыняюцца дзверы? Гэта мы і прапануем вам прыдумаць разам са сваімі дзецьмі!

Абвяшчаем сямейны конкурс на лепшую гісторыю «Прыгоды мышкі Пік-Пік у музеі»! Калі вы любіце фантазіраваць і нешта ствараць разам, гэты конкурс – адмыслова для вас!

Умовы конкурсу:

• Фармат: мы не абмяжоўваем вашу фантазію – прымаюцца гісторыі ў любым літаратурным жанры.
• Суаўтарства: праявіце менавіта сямейную творчасць. Дзеці могуць прыдумляць сюжэт і герояў, а бацькі — дапамагаць запісваць і афармляць тэкст.
• Ілюстрацыі: калі вы дадасцё да тэксту малюнкі вашага дзіцяці з выявай мышкі Пік-Пік, гэта будзе вялікім плюсам!

Што чакае пераможцаў?

• Дыпломы і памятныя падарункі ад музея.
• Публікацыя найлепшых гісторый на афіцыйных старонках музея.
• Запрашальныя квіткі на адно з нашых сямейных мерапрыемстваў.

Дэдлайн і прыём прац: чакаем вашыя гісторыі да 27 лістапада ўключна.

Тэксты можна дасылаць на электронную пошту maksimbagdanovich@gmail.com з пазнакай «На конкурс гісторый» або прыносіць у музей у раздрукаваным выглядзе.

Уключайце фантазію, збірайцеся ўсёй сям’ёй і стварайце сваю музейную казку! З нецярпеннем чакаем вашых прац!

Даведкі па тэлефоне +375 17 355 22 95.