Пушкінскі запаведнік прадстаўляе выставачны праект, прысвечаны творчасці сябра Расійскай акадэміі мастацтваў, прафесара майстэрні манументальнага жывапісу Санкт-Пецярбургскай акадэміі мастацтваў імя І.Я. Рэпіна, заслужанага мастака Расіі, лаўрэата Дзяржаўнай прэміі РСФСР Сяргея Мікалаевіча Рэпіна.

Гэты праект закранае невялікую частку творчых інтарэсаў мастака – вясковы і сядзібны пейзаж. Мастак з неверагодным майстэрствам стварае «рухомыя карціны» Міхайлаўскага і яго наваколля, «озёр лазурные равнины», «ряд холмов и нивы полосаты» – усё тое, што складае непрыкметную, ціхую вечнасць вакол нас. Ад яго пейзажаў вее дзіўным спакоем, уласцівым вечнай прыгажосці «раўнадушнай» прыроды.

На выставе прадстаўлены жывапісныя і графічныя творы мастака з фондаў Пушкінскага запаведніка. Гэта работы, выкананыя ў розныя гады, з выявамі Пушкінскіх гор, якія на працягу многіх гадоў з’яўляюцца для мастака важнай і нязменнай крыніцай натхнення.

Арганізатар: Федэральная дзяржаўная бюджэтная ўстанова культуры «Дзяржаўны мемарыяльны гісторыка-літаратурны і прыродна-ландшафтны музей-запаведнік А. С. Пушкіна “Міхайлаўскае” (Пушкінскі запаведнік)».

Выстава дзейнічае з 5 па 30 верасня 2026 года.
Кошт наведвання: 2,5 – 5 руб.
Адрас: г. Мінск, вул. М.Багдановіча, 13.