У Літаратурным музеі працягвае працу мастацкая выстава з цікавай назвай “Экалагічная дысперсія”. Гэты тэрмін не толькі адсылае да фізічнага працэсу рассейвання святла, але і ўяўляе сабой глыбокую метафару інтэлектуальнага і творчага выпраменьвання ў кантэксце спадчыны Алеся Родзіна. На працягу дзесяцігоддзяў Алесь Родзін ствараў уласную экасістэму сэнсаў, якая не знікла, а пачала працэс дысперсіі — пранікнення ў свядомасць новых пакаленняў, рассейвання ідэй у прасторы і часе.

28 жніўня а 19-й гадзіне запрашаем вас далучыцца да куратарскай экскурсіі, якую правядзе Зміцер Юркевіч – сябра і паплечнік Алеся Родзіна. Гэтая выстава ўяўляе сабой не проста нерухомы помнік, а жывы арганізм, які адлюстроўвае дынамічную прыроду самаго мастака. Падчас экскурсіі мы пагаворым пра незвычайны творчы шлях творцы, пра яго пошукі і эксперыменты, дзейнасць творчых суполак і перформансы нулявых. А таксама вас чакаюць успаміны чалавека, які амаль два дзесяцігоддзі быў побач з мастаком і яго мастацкім светам. Прыходзьце адкрыць для сябе авангарднае мастацтва і асаблівы мастацкі космас!

Час: 28 жніўня, 19:00.

Кошт: 10 рублёў.

Адрас: г. Мінск, вул. М.Багдановіча, 13.

Тэлефон для даведак: +375 17 363 56 21.

Шчыра запрашаем!