“Вясновы фэст”

18 красавіка 2026 Літаратурны музей запрашае вас разам запачаткаваць новую святочную традыцыю. З 13:00 да 17:00 мы ладзім “Вясновы фэст” у  фальварку Ракуцёўшчына!

Ракуцёўшчына – гэта дзівосная мясціна, якая летам 1911 года натхніла на стварэнне некалькіх дзесяткаў вершаў Максіма Багдановіча. Менавіта іх мы знаходзім на старонках легендарнага “Вянка”.

Прапануем і вам натхніцца гэтым чароўным месцам, але вясновай парою. “Вясновы фэст” – гэта свята, якое спалучыць даўнія традыцыі нашых продкаў: гуканне вясны, святкаванне Вялікадня і традыцыйныя забавы.

Гасцей фэсту чакаюць:
– песні-вяснянкі;
– карагоды;
– валачобны абрад;
– майстар-класы;
– традыцыйныя танцы;
– рамесніцкі кірмаш;
– гульні.

Падрабязная праграма свята з’явіцца на сайце www.bellitmuseum.by, а таксама ў сацсетках Дзяржаўнага музея гісторыі беларускай літаратуры.

Уваход: 5 рублёў (квіток у музей).

Наш адрас: Мінская вобласць, Маладзечанскі раён, в.Ракуцёўшчына.

Жадаючыя могуць паехаць транспартам, арганізаваным музеем. Кошт: 35 руб. (у абодва бакі). Абавязковы папярэдні запіс і аплата. Квіткі можна набыць ў касе Дзяржаўнага музея гісторыі беларускай літаратуры (г.Мінск, вул.М.Багдановіча, 13).

Тэлефон для даведак і запісу: +375 (17) 363 56 21.