Літаратурны музей працягвае праект “Магія слова”. У яго межах мы знаёмімся з кніжнымі навінкамі і сустракаемся з іх аўтарамі. Нядаўна пабачыла свет кніга Іны Фраловай “Калі адцвіце ядловец”. 20 студзеня ў 18:30 запрашаем у музей, каб сустрэцца з кнігай і яе аўтарам.

Кніга складаецца з празаічнай і вершаванай частак. Героі апавяданняў пастаўлены ў сітуацыю маральнага выбару. Унутраны канфлікт дапамагае глыбей зазірнуць у сябе, вырасці як асоба.

Гумарыстычныя мініяцюры маюць незласлівы характар. Пільнае вока аўтара прыкмячае хібы ў пісьменніцкіх варунках.

У вершах творца звяртаецца да філасоўскага асэнсавання жыцця.

У сустрэчы возьмуць удзел прадстаўнікі Саюза пісьменнікаў Беларусі.

Шчыра запрашаем!

Уваход вольны.

Узроставая катэгорыя: 16+

Тэлефон для даведак: +375 17 363 56 21.

Адрас: вул. М. Багдановіча, 13.