Дарагія сябры!

Сардэчна віншуем вас з Новым годам! Няхай ён прынясе мір, надзею і натхненне, напоўніць кожны дзень святлом добрых думак і шчырых пачуццяў.

Беларуская літаратура – гэта жывая памяць народа, яго голас і душа. Мы жадаем, каб у новым годзе слова гучала моцна і праўдзіва, каб кнігі аб’ядноўвалі пакаленні, а спадчына нашых пісьменнікаў і паэтаў працягвала адкрывацца вам з новых, нечаканых бакоў.

Няхай у вашых дамах пануюць цеплыня і згода, у сэрцах – вера і любоў, а ў справах – творчы запал і поспех. Будзем рады бачыць вас у музеі і дзяліць з вамі радасць адкрыццяў і сустрэч з беларускім словам.

З найлепшымі пажаданнямі –
Музей гісторыі беларускай літаратуры