9 снежня 2025 года спаўняецца 134 гады з дня нараджэння класіка беларускай літаратуры – Максіма Адамавіча Багдановіча.

12:00 – ускладанне кветак да помніка паэту.

19:00 – музычная экскурсія (па папярэднім запісе).

У святочны дзень хочацца нечага незвычайнага. Таму да дня нараджэння Максіма Багдановіча супрацоўнікі музея, сумесна з Музычнай капэлай Цэнтра даследванняў беларускай культуры, мовы і літаратуры НАН Беларусі, падрыхтавалі адмысловы падарунак – музычную экскурсію.

Вядома, што ў сям’і Багдановічаў былі багатыя фальклорныя традыцыі – у доме гучалі беларускія песні, захаваліся згадкі пра любімыя творы паэта. Менавіта яны, а таксама песні на словы самога Максіма Багдановіча, пераплятуцца з расповедам пра яго жыццё, у гімн геніяльнаму творцу.

Запіс па тэлефоне +375 17 355 22 95 (колькасць месцаў абмежаваная).

Адрас: г. Мінск, вул. М.Багдановіча, 7а.