Літаратурны музей запрашае на сустрэчу з гісторыкам, музеёлагам Аляксандрам Гужалоўскім. 12 лістапада у музеі пройдзе прэзентацыя яго кнігі “Штурмуючы будучыні аванпосты”.

Новае выданне – гэта першае ў айчыннай гістарыяграфіі комплекснае даследаванне радыкальных змен у сямейна-шлюбных адносінах і жыцці беларускага савецкага грамадства на працягу першага дзесяцігоддзя яго існавання. Разгляданы час характарызаваўся неверагоднай нават па сённяшніх мерках свабодай нораваў. Традыцыйнаму сямейна-шлюбнаму ладу быў кінуты выклік, інстытут шлюбу трансфармаваўся разам з  заснаванай на ім мараллю. Пытанні інтымнага жыцця патрапілі ў грамадскі дыскурс. Кніга напісана на багатым фактычным матэрыяле, з прыцягненнем новых архіўных крыніц і тагачасных перыядычных выданняў.

Шчыра запрашаем 12 лістапада а 19-й у Літаратурны!

Кошт: 10 рублёў.

Тэлефон для даведак: +375 17 363 56 21.

Адрас: вул. М. Багдановіча, 13.