Літаратурны музей Петруся Броўкі запрашае ўсіх аматараў літаратуры і гісторыі наведаць віртуальную экспазіцыю “Новыя паступленні ў фонды Літаратурнага музея Петруся Броўкі”. Экспазіцыя прадстаўляе ўнікальныя прадметы, што былі перададзены ў фонды музея ў 2024 годзе і дасяжная з 27.12.2024 г. на сайце ўстановы “Дзяржаўны музей гісторыі беларускай літаратуры”.

Сярод прадстаўленых прадметаў: 

– Лісты і паштоўкі Петруся Броўкі і яго жонкі Алены Міхайлаўны, якія адлюстроўваюць жыццё сям’і падчас Вялікай Айчыннай вайны. 

– Фотаздымкі з Каралішчавіч, што раскрываюць атмасферу творчай працы беларускіх пісьменнікаў у гэтым месцы. 

– Дакументы, звязаныя з судовай справай аб кватэры сям’і Броўкаў, якія асвятляюць малавядомыя аспекты асабістага жыцця паэта. 

– Машынапіс верша Міхаіла Ісакоўскага “Грустная история”, што адлюстроўвае сувязь паміж беларускімі і рускімі літаратурнымі дзеячамі. 

Мы запрашаем усіх далучыцца да знаёмства з новымі старонкамі творчасці Петруся Броўкі і яго сучаснікаў!

Кантактны тэлефон: +375 (17) 342-09-81.